ఎపి మద్యం కుంభకోణం కేసులో విజయసాయి రెడ్డిని విచారిస్తున్న ఈడి

హైదరాబాద్‌:  ఎపి మద్యం కుంభకోణం కేసులో మాజీ ఎంపీ విజయసాయిరెడ్డిని ఈడి విచారిస్తోంది. గురువారం మధ్యాహ్నం  బషీర్‌బాగ్‌లోని ఈడీ కార్యాలయానికి ఆయన చేరుకున్నారు. సుమారు ఐదు గంటలుగా అధికారులు ఆయనను విచారిస్తున్నారు. ఈ కేసులో  ఇప్పటికే విజయసాయిరెడ్డి రెండుసార్లు విచారణకు హాజరయ్యారు. కుంభకోణానికి సంబంధించి జరిగిన విధాన నిర్ణయాలు, రహస్య ఆర్థిక లావాదేవీలపై ఆయన్ను ప్రశ్నిస్తున్నట్లు సమాచారం. బ్యాంకు లావాదేవీలు, విజయసాయి అందించిన వివరాలపై అధికారులు విచారణ చేపడుతున్నట్లు  తెలుస్తోంది.