మానవాళికి మూడేళ్లే టైం .. తరువాత ‘ఎఐ` : గూగుల్ ఎక్స్ మాజీ బిజినెస్ చీఫ్

బిజినెస్ : ఎఐ శక్తివంతం కావడానికి మానవాళికి మూడేళ్లు మాత్రమే సమయం ఉందని గూగుల్ ఎక్స్‌లో చీఫ్‌ బిజినెస్ ఆఫీసర్‌గా పనిచేసిన గావ్‌డాట్ … ది డైరీ ఆఫ్ ఏ సీఈఓ పాడ్‌కాస్ట్‌లో హెచ్చరికలు చేశారు. AI సాధనాలు మనం పనిచేసే, జీవించే విధానాన్ని మారుస్తున్నాయి. ChatGPT, Claude, Gemini, Grok, పెరుగుతున్న అనేక ఇతర AI సాధనాలు, ఈమెయిల్‌లు రాయడం, పత్రాలను విశ్లేషించడం నుండి ప్రయాణాలను ప్లాన్ చేయడం, AI ఏజెంట్ల ద్వారా రోజువారీ పనులను నిర్వహించడం వరకు ప్రతి విషయంలోనూ మనకు సహాయం చేస్తున్నాయి. అయితే, ఈ సాధనాలు ఎంత అద్భుతంగా కనిపించినప్పటికీ, భవిష్యత్తులో AI ఎలా రూపుదిద్దుకుంటుందో దానిలో ఇవి కేవలం ఒక ఆరంభం మాత్రమేనని గూగుల్ ఎక్స్ మాజీ బిజినెస్ చీఫ్ మో గావ్‌డాట్ హెచ్చరిస్తున్నారు. పరిశ్రమలను అతలాకుతలం చేసేందుకు, లక్షలాది ఉద్యోగాలను తొలగించేందుకు, మనకు తెలిసిన సమాజాన్ని పునర్నిర్మించేందుకు ఎఐ (AI) శక్తివంతంగా మారడానికి మానవాళికి కేవలం మూడేళ్లు మాత్రమే మిగిలి ఉన్నాయని ఆయన అంచనా వేస్తున్నారు. ‘ది డైరీ ఆఫ్ ఎ సీఈఓ’ పాడ్‌కాస్ట్‌లో మాట్లాడుతూ …. ఎజిఐ (ఆర్టిఫిషియల్ జనరల్ ఇంటెలిజెన్స్) ఆచరణాత్మకంగా ఇప్పటికే ఇక్కడ ఉందని లేదా అతి త్వరలో రాబోతోందని గౌదత్ అన్నారు. “నేను ఇప్పటికీ ఎజిఐ 2027కే కట్టుబడి ఉన్నాను,” అని ఆయన అన్నారు. ఏవైనా దీర్ఘకాలిక ప్రయోజనాలు కనిపించడం ప్రారంభమయ్యేలోపే ఈ పరివర్తన ఉద్యోగ నష్టాలు, ఆర్థిక అంతరాయం, సామాజిక అశాంతి, యుద్ధంలో ఎఐ విస్తృత వినియోగానికి దారితీయవచ్చని ఆయన హెచ్చరించారు.

‘‘ఎఐ (Artificial Intelligence) దానంతట అదే ఈ ప్రమాదాలను సృష్టించదు. దానిని కంపెనీలు, ప్రభుత్వాలు ఎలా వాడతాయన్నదే ఇక్కడ కీలకం. చాట్‌బాట్‌, వీడియోలతో ఏఐ ఇప్పటికే ప్రజల జీవితంలో భాగమైంది. కానీ ప్రయోగశాలల లోపల జరుగుతున్నది అంతకంటే చాలా ముఖ్యమైంది. సిస్టమ్‌లు సొంతంగా కోడ్‌ను మెరుగుపర్చుకుంటున్నాయి. మార్పులను పరీక్షిస్తున్నాయి. ఎప్పటికప్పుడు మెరుగైన వెర్షన్లను వేగంగా విడుదల చేయడం వంటి పనులు చేస్తున్నాయి. ప్రజల అవగాహనకు, వాస్తవ సామర్థ్యానికి ఉన్న అంతరమే.. రాబోతున్న మార్పు ఏ స్థాయిలో ఉందో చాలామంది గ్రహించలేకపోవడానికి కారణం’’ అని గావ్‌డాట్ అభిప్రాయపడ్డారు.