ఈవీఎం గోదాం పరిశీలించిన కలెక్టర్ వినోద్ కుమార్

బాపట్ల : కేంద్ర ఎన్నికల కమిషన్ ఆదేశాల మేరకు బాపట్ల జిల్లా కేంద్రంలో భద్రపరిచిన ఈవీఎంల గోదాంను జిల్లా కలెక్టర్ డాక్టర్ వి. వినోద్ కుమార్ ఐఏఎస్ ఆదివారం పరిశీలించారు. ఈ సందర్భంగా ఈవీఎంల భద్రతా ఏర్పాట్లు, సీసీ కెమెరా పర్యవేక్షణ, రికార్డుల నిర్వహణపై అధికారులను అడిగి తెలుసుకున్నారు. ఎన్నికల కమిషన్ నిబంధనల ప్రకారం అన్ని ఏర్పాట్లు కట్టుదిట్టంగా ఉండాలని సూచించారు. ఈ కార్యక్రమంలో డీఆర్వో జి. గంగాధర్ గౌడ్, ఆర్డీఓ పి. గ్లోరియా, తహసీల్దార్ షేక్ సలీమా, ఎన్నికల పర్యవేక్షకులు షఫి తదితరులు పాల్గొన్నారు.