రోడ్డు ప్రమాదంలో ఇద్దరు మృతి

బంటుమిల్లి (కృష్ణా) : బైక్ ను లారీ ఢీకొట్టడంతో ఇద్దరు మృతి చెందిన ఘటన బంటుమిల్లి మండలం పెద్ద తుమ్మిడి మురుగు కాలువ సమీపంలో ఆదివారం ఉదయం జరిగింది. ఈ ఘోర రోడ్డు ప్రమాదంలో ఇద్దరు మృతి చెందడం స్థానికంగా విషాదాన్ని నింపింది. మృతులను ఏనుమల శివయ్య (34), కాగిత అమలేశ్వరరావు (30)గా పోలీసులు గుర్తించారు. ఘటనపై పోలీసులు కేసు నమోదు చేసి దర్యాప్తు చేపట్టారు.