పవర్ స్టార్ పవన్ కళ్యాణ్ – దర్శకుడు సురేందర్ రెడ్డి కాంబినేషన్లో తెరకెక్కనున్న భారీ సినిమాపై ఆసక్తికరమైన వార్తలు వైరల్ అవుతున్నాయి. ఈ చిత్రంలో పవన్ మాత్రమే కాకుండా మరో స్టార్ హీరో కీలక క్యామియో పాత్రలో కనిపించనున్నాడని టాక్. ఆ పాత్రకు రౌడీ హీరో విజయ్ దేవరకొండను తీసుకోవాలని మేకర్స్ ఆలోచిస్తున్నట్టు సమాచారం. అలాగే హీరోయిన్గా ప్రభాస్ ‘ఫౌజీ’ బ్యూటీ ఇమాన్వీ ఇస్మాయిల్ పేరు వినిపిస్తోంది.
సుజీత్ దర్శకత్వంలో తెరకెక్కిన ‘ఓజీ’ చిత్రంతో తన కెరీర్లోనే బిగ్గెస్ట్ బ్లాక్బస్టర్ అందుకున్న పవర్స్టార్ పవన్ కళ్యాణ్ మార్చిలో ‘ఉస్తాద్ భగత్సింగ్’తో మరోసారి ప్రేక్షకుల ముందుకు రానున్నారు. రాజకీయ బాధ్యతల మధ్యనే సినిమాలను పూర్తి చేయాలన్న స్పష్టమైన ప్లాన్తో ముందుకు వెళ్తున్న పవన్... వరుస ప్రాజెక్టులకు గ్రీన్ సిగ్నల్ ఇస్తూ అభిమానుల్లో ఉత్సాహాన్ని నింపుతున్నారు. ‘ఉస్తాద్ భగత్సింగ్’ తర్వాత పవన్ – సురేందర్ రెడ్డి కాంబినేషన్లో ఓ భారీ చిత్రం పట్టాలెక్కబోతోంది. రామ్ తాళ్లూరి నిర్మాణంలో రూపొందనున్న ఈ ప్రాజెక్ట్ ప్రస్తుతం ప్రీ-ప్రొడక్షన్ దశలో ఉంది. పవన్ పొలిటికల్ షెడ్యూల్ను దృష్టిలో ఉంచుకుని షూటింగ్ ప్లాన్ చేస్తున్నట్లు సమాచారం. టెక్నికల్గా కూడా ఈ సినిమాను హై లెవల్ యాక్షన్ ఎంటర్టైనర్గా రూపొందించేందుకు సురేందర్ రెడ్డి పూర్తిస్థాయిలో కసరత్తు చేస్తున్నారని టాక్.
ఈ సినిమాకు సంబంధించి తాజాగా మరో హాట్ న్యూస్ టాలీవుడ్లో వైరల్ అవుతోంది. ఈ చిత్రంలో పవన్ కళ్యాణ్ ఒక్కరే కాకుండా మరో స్టార్ హీరో కూడా కీలక పాత్రలో కనిపించబోతున్నారని ప్రచారం జరుగుతోంది. ఆ పాత్ర క్యామియో అయినప్పటికీ కథలో చాలా ఇంపార్టెన్స్ ఉంటుందని సమాచారం. అందుకే ఆ క్యారెక్టర్కు సరైన ఇమేజ్ ఉన్న హీరోను తీసుకోవాలని సురేందర్ రెడ్డి ఆలోచిస్తున్నారట. తాజా సమాచారం ప్రకారం ఈ క్యారెక్టర్ కోసం రౌడీ స్టార్ విజయ్ దేవరకొండని తీసుకోవాలని మేకర్స్ ఆలోచిస్తున్నట్లు తెలుస్తోంది. పవన్–విజయ్ ఒకే స్క్రీన్పై కనిపిస్తే థియేటర్లు దద్దరిల్లిపోవడం ఖాయమని అభిమానులు ఇప్పటికే సోషల్ మీడియాలో కామెంట్లు చేస్తున్నారు. కొంతకాలంగా సరైన హిట్ కోసం ఎదురుచూస్తున్న విజయ్... పవన్ సినిమాలో క్యామియో చేసినా ఆయన కెరీర్కు బూస్టింగ్ వచ్చే అవకాశముందని సినీ వర్గాలు భావిస్తున్నాయి. అయితే ఈ విషయంపై ఇప్పటివరకు చిత్రబృందం నుంచి ఎలాంటి అధికారిక ప్రకటన మాత్రం రాలేదు.
