జీవన శిల్పం

విసుగు అనే పదానికి చోటెక్కడ…
ఇంకా కలలతో కట్టాల్సిన
ఒక భవిష్యత్తు ఉన్నప్పుడు…
​
అడుగడుగునా చెమటతో చెక్కాల్సిన
ఒక జీవితముంది,
పోరాటాలతో పదును పెట్టాల్సిన
ఒక కాలముంది
ప్రేమను అణువణువునా నింపుకోవాల్సిన
ఒక మనసుంది…
​
ఓటములను కుంపటిగా పేర్చి
విజయాన్ని వెలిగించాల్సి ఉంది,
జీవన శిల్పాన్ని ప్రగతిపథం వైపు
నడిపించాల్సి వుంది
నిన్నటి నన్ను దాటి
రేపటి నన్ను చేరాల్సి ఉంది…
​
ఈ శరీరాన్ని శిల్పంలా మలుచుకుంటూ,
ఈ ఆలోచనలను ఆకాశంలా విస్తరించుకుంటూ,
ప్రతిరోజూ కొత్తగా పుడుతున్నప్పుడు
విసుగనే పదానికి చోటెక్కడుంది ?
​
ఇది…
ప్రతి నిత్యం తీసుకునే సంకల్పం
నన్ను నేను నిర్మించుకునే
మరో అవకాశం…!
​
రాజాబాబు కంచర్ల
9490099231