నన్ను నేను మరిచి ప్రవర్తిస్తున్నా
నేనేంటో తెలుసుకోక
ఏమి చేస్తున్నానన్న జ్ఞానం ఉన్నా
తెలియనట్లు నటిస్తున్నా
ఏమి చేయాలో ఆలోచించకుండా
చేస్తూ పోతున్నా ఎందుకో ?
మనిషిగా అపారమైన జ్ఞానమున్నా
ఆచరణలో వెనకబడుతున్నా
నన్ను నేను ఏమనాలో తెలియక
ఎలా నడవాలో ఆలోచిస్తున్నా
నాలో నన్ను అడుగుతున్నా
ఈ ప్రయాసెందుకని.
ఎవరినైనా అడగాలనుకుంటున్నా
అహంకారం అడ్డమొస్తుంది
నాలో కలిగే ప్రశ్నలకు
సమాధానం నేనేనా?
ఏది నాదో తెలియదు
నేనెవరో తెలియదు
ఏమైతానో తెలియదు
ఎందుకో ఈ అపోహలు
యద్భావం తద్భవతి
జి రామమోహన నాయుడు
9490272366
కామెంట్లు (0)