పిల్లల పెంపకం ఒక కష్టమైన పని. ఇందులో ఎన్నో ఒడిదుడుకులు, కొన్ని సంతృప్తికరమైన క్షణాలు ఉంటాయి. అలాగే, తాము చేసిన తప్పుల గురించి ప్రతి తల్లిదండ్రికీ ఒక కథ ఉంటుంది. ఇది మీ తల్లిదండ్రులతో సహా మీ చుట్టూ ఉన్నవారి నుండి నేర్చుకోవడానికి, గమనించడానికీ ఒక సమయం. ఎందుకంటే, ప్రతి ఒక్కరూ కోరుకునేది సంతోషంగా, ఆరోగ్యంగా, తెలివైన బిడ్డను పెంచడమే. అయితే, ప్రపంచవ్యాప్తంగా ప్రతిఒక్కరూ స్ఫూర్తి కోసం చూసే ఒక ప్రత్యేక సమాజం ఏదైనా ఉందంటే, అది జపాన్. తమ పిల్లలను పెంచేటప్పుడు జపనీస్ తల్లిదండ్రులు భిన్నంగా ఆచరించే ఐదు విషయాలు మన పేరెంట్స్ కూడా తెలుసుకోవాలి. ఎందుకంటే జపనీయుల పెంపక శైలి ఇతరుల కన్నా భిన్నంగా ఉంటుంది.
జపనీస్ శైలి క్రమశిక్షణ, గౌరవం, స్వతంత్రతపై ఆధారపడి ఉంటుంది. పిల్లలకు చిన్నతనం నుంచే ఆత్మనిగ్రహం (స్వీయ నియంత్రణ), ఇతరులను గౌరవించడం, బాధ్యతలను నేర్పిస్తారు. జపనీస్ తల్లులు తమ పిల్లలతో బలమైన భావోద్వేగ బంధాన్ని కలిగి ఉంటారు. అంతేకాదు పిల్లల్ని తమతో సమానంగా చూస్తారు. జపనీస్ పిల్లలకు, వారి వయస్సుతో సంబంధం లేకుండా, వారిని ఇతరుల నుండి వేరుచేసే ఒక ప్రత్యేకమైన ప్రవర్తనాశైలి ఉంటుంది. నిజానికి, బహిరంగ ప్రదేశాల్లో ఒక జపనీస్ పిల్లవాడు ఏడవడం చూడటం దాదాపు అరుదు! అంతేకాకుండా, జపనీయులు తమ పిల్లలను పెంచే విధానానికి, ఇతర ప్రాంతాల ప్రజలు పెంచే విధానానికి చాలా పెద్ద తేడా ఉంటుంది. జపనీయులు తమ పిల్లలను పెంచే విషయంలో భిన్నంగా చేసే ఐదు విషయాలు ఇవి..
1. సమానంగా పెంచుతారు.. : కొంతకాలం క్రితం, పాఠశాల విద్యార్థులు తమ తరగతి గదిని శుభ్రం చేస్తున్న ఒక వీడియో వైరల్ అయి, నెటిజన్లను ఆశ్చర్యపరిచింది. ఇది కేవలం ఒక వీడియో మాత్రమే కాదు, అదొక జపనీస్ సంస్కృతి. పిల్లలకు పుట్టినప్పటి నుంచే సమానత్వం గురించి బోధిస్తారు. రాజకుటుంబీకుల పిల్లలు కూడా ఇతర పిల్లలతో పాటు ఒకే పాఠశాలకు లేదా కార్యకలాపాలకు హాజరుకావడం అక్కడ అసాధారణమేమీ కాదు. జపనీస్ తత్వశాస్త్రంలో, పిల్లలు వారి యవ్వన దశలో ఉన్నప్పుడు వారికి సేవాభావం అనే విలువను నేర్పి, వ్యక్తిగత ఆసక్తులను పక్కన పెట్టేలా పెంచుతారు. ఈ విధంగా, వారు తమ ఎదుగుదల దశలోనే సమాజంలో కలిసి జీవించడం, సమానత్వం వంటి ముఖ్యమైన విలువలను నేర్చుకుంటారు.
2. తల్లి – బిడ్డల సంబంధం బలమైనది.. : జపనీస్ సంస్కృతిలో కుటుంబం ఒక ముఖ్యమైన భాగం. అలాగే పిల్లల పెంపకంలో కూడా ఇది కీలకపాత్ర పోషిస్తుంది. తల్లి-బిడ్డల సంబంధం రక్షణాత్మకమైనది అయినప్పటికీ, జపాన్లో ఇది కొంచెం భిన్నంగా ఉంటుంది. పిల్లలు చిన్నగా ఉన్నప్పుడు తల్లి పెంపకంపై ఎక్కువ దృష్టి పెడతారు. సానుకూల దృక్పథంతో పెరిగే పిల్లలకు, వారు పెద్దయ్యాక సమస్యలతో కూడిన రుగ్మతలు వచ్చే ప్రమాదం తక్కువగా ఉంటుందని అధ్యయనాలు వెల్లడించాయి. సాధారణంగా, జపనీస్ తల్లిదండ్రులకు, ముఖ్యంగా తల్లులకు తమ పిల్లలతో ఎక్కువ సమయం గడపమని సలహా ఇస్తారు. దానికోసం వారికి ప్రభుత్వం రాయితీలు కూడా అందిస్తుంది. పిల్లలను మూడేళ్ల వయస్సు రాకుండా కిండర్ గార్డెన్కు పంపరు.
3. భావోద్వేగాలపై శ్రద్ధ చూపుతారు.. : పిల్లల శారీరక రూపానికి ఇచ్చే ప్రాధాన్యతతో పాటు, వారి మానసిక, భావోద్వేగ స్థితిపై శ్రద్ధ పెట్టడం కూడా అంతే ముఖ్యం. జపనీస్ తల్లిదండ్రులకు ఈ విషయం బాగా తెలుసు. వారు చిన్నపిల్లల సంరక్షణలో ఆప్యాయతతో, ప్రోత్సాహకరమైన వైఖరిని ప్రదర్శిస్తారని పేరు. అయినప్పటికీ, పిల్లలు తప్పు చేసినప్పుడు వారిని క్రమశిక్షణలో పెట్టడం లేదా మందలించడం అనే భావన మాత్రం పూర్తి భిన్నంగా ఉంటుంది. అన్ని వేళలా సానుకూలతను ప్రోత్సహిస్తారు. పిల్లలు సమాజంలో కలిసి జీవించడం నేర్చుకునేలా, వారికి ప్రాణమున్న, ప్రాణములేని వస్తువుల భావోద్వేగాలను కూడా అర్థం చేసుకుని, వాటిని గ్రహించేలా బోధిస్తారు.
4. బహిరంగ ప్రశంసలను నమ్మరు.. : ప్రతి తల్లిదండ్రీ తమ పిల్లలను బహిరంగంగా కొద్దిగా పొగడటం లేదా వారి మంచి లక్షణాల గురించి మాట్లాడటం ఇష్టపడతారు, కానీ ఒక జపనీస్ తల్లిదండ్రులు అలా చేయడం అసాధారణం. అక్కడ పిల్లలకు ఎలాంటి బహుమతులు, ప్రోత్సాహకరమైన మాటలపై ఆధారపడరు. అలాకుండా పిల్లలు స్వతంత్రంగా ఉండటానికి ప్రాధాన్యతను ఇస్తారు. అలాగే పిల్లలకు క్రమశిక్షణ పాటించడం నేర్పిస్తారు.
5. తినడం ఆనందకరమైన ప్రక్రియగా.. : పెద్దలు కూడా అనుసరించాలనుకునే జపనీస్ పెంపకం రహస్యం ఏమిటంటే? పిల్లల కోసం బెంటో బాక్సులు! జపనీస్ పాఠశాల భోజనాలు ప్రపంచవ్యాప్తంగా ప్రసిద్ధి చెందాయి. అంతేకాదు అది సరైనదే కూడా! ఆహారాన్ని విసుగు పుట్టించకుండా, పిల్లలతో ఆరోగ్యకరమైన ఆహారం జపనీస్ పిల్లలకు ఏం నేర్పుతారు?
తినిపించే మార్గాలలో ఇది ఒకటి. ఒక సర్వేలో జపనీస్ పిల్లలు ప్రపంచంలోనే అత్యంత ఆరోగ్యవంతులలో ఒకరని కూడా వెల్లడైంది. పిల్లలతో వంటగదిలో సహాయం చేయించడం, ఆహార పరిమాణాలను నియంత్రించడం లేదా వాటిని సరదాగా ప్యాక్ చేయడం వంటి వాటి ద్వారా, జపనీస్ తల్లిదండ్రులు తినడాన్ని ఒక పనిగా కాకుండా, పిల్లలకు ఆనందదాయకమైన ప్రక్రియగా మార్చడంపై దృష్టి పెడతారు.
మరికొన్ని ముఖ్యాంశాలు..
స్వతంత్రత: పిల్లలు చిన్న వయస్సు నుంచే తమ పనులు తాము చేసుకోవడం (స్కూల్ బ్యాగ్ సర్దుకోవడం, శుభ్రం చేసుకోవడం) నేర్చుకుంటారు.
క్రమశిక్షణ, ప్రశాంతత: కోపాన్ని నియంత్రించుకోవడం, ఇంటా బయటా ప్రశాంతంగా ఉండటం నేర్పుతారు.
గౌరవం, మర్యాద: ఇతరులతో ఎలా మర్యాదగా ప్రవర్తించాలో, చిన్నప్పటి నుంచే సమాజంలో కలిసిపోవడం నేర్చుకుంటారు.
ఆరోగ్యకరమైన ఆహారం: పిల్లలకు పౌష్టికాహారం, రంగురంగుల ఆహార పదార్థాలను ఇష్టంగా తినేలా చేస్తారు.
ప్రేమను వ్యక్తపరచడం: జపనీయులు ప్రేమను చూపిస్తారు. కానీ సాధారణంగా బయట (బహిరంగంగా) ముద్దులు / కౌగిలింతలు ఎక్కువగా వ్యక్తపరచరు.
సంబంధాలు: తల్లిదండ్రులు పిల్లల పట్ల చాలా బాధ్యతగా ఉంటారు. పిల్లలు కూడా తల్లిదండ్రుల పట్ల ఎంతో గౌరవంగా ఉంటారు.
కామెంట్లు (0)