హెచ్-1బి వీసా రిజిస్ట్రేషన్లలో భారీ తగ్గుదల

వాషింగ్టన్: హెచ్-1బి వీసా రిజిస్ట్రేషన్లలో 38.5 శాతం తగ్గుదల నమోదైనట్లు యుఎస్ సిటిజన్‌షిప్ అండ్ ఇమ్మిగ్రేషన్ సర్వీసెస్ (యుఎస్‌సిఐఎస్) నివేదించింది. 2026 ఆర్థిక సంవత్సరంలో 3,43,981గా ఉన్న దరఖాస్తుల సంఖ్య, 2027 ఆర్థిక సంవత్సరంలో 2,11,600కు పడిపోయింది. అమెరికా విశ్వవిద్యాలయాల్లో చదువుకున్న వారికి ప్రాధాన్యత ఇవ్వగా, ఎంపికైన వారిలో 71.5 శాతం మందికి అమెరికాలో మాస్టర్స్ డిగ్రీ లేదా అంతకంటే ఎక్కువ విద్యార్హత ఉందని అధికారులు తెలిపారు. గత ఏడాది ఇది 57 శాతంగా ఉంది. గత సంవత్సరాల్లో, మంజూరు చేసిన మొత్తం హెచ్-1బి వీసాలలో 71 శాతం భారతీయ అభ్యర్థులకు కేటాయించారు. ఈసారి, అధిక జీతాల ఆధారంగా హెచ్-1బి వీసాలను మంజూరు చేశారు.