Print Editionమిగిలిన దారం

గాలిపటానికి

గాలినెదిరించే ధైర్యం

దారమే ఇస్తుంది

​

దారమదుపులో వున్నంతవరకే

గాలిపటం గాలినెదురిస్తూ

ఉన్నత శిఖరాలకెగురుతుంది

​

దారబంధాన్ని

తెంచుకున్న గాలిపటాన్ని

గాలిలోకి తోసేసి

గాలిలో కలిపేస్తుంది గాలి

​

స్వేచ్ఛ పేరుతో కొన్ని గాలిపటాలు

తెలియని కోపంతో‌

మరికొన్ని గాలిపటాలు

దారపు ప్రేమ బంధాన్ని తెంచుకుని

ఎగిరిపోతాయి

​

చేతిలో మిగిలిన దారం

గాలిపటం ఆచూకీ తెలియక

వెక్కి వెక్కి ఏడుస్తుంది

​

చిత్తలూరి

9133832246