పల్లవి: అయ్యా రాహులూ!
అయ్యయ్యో రాహులు
దాచేస్తే దాగదు..మీ
మతోన్మాద మాయ మహలు
అయ్యా రాహులూ!
అయ్యయ్యో రాహులో!
చరణం: సొంత బుర్ర వాడితే
కొంత పైకి వస్తావు..
వంతగాళ్ల తొత్తయితే
సంతలో సరుకవుతావు..
స్టేటుకొక్క స్టేట్మెంటు
స్టేటసే పోయింది ..
పార్టీకే పనిష్మెంట్
బక్క చిక్కిపోయింది..
సర్కస్ లో జోకరే
అతని కన్న నయమురా!
ఆ అడ్డదిడ్డ నడక- అందరికీ
అయోమయమురో!
అయ్యా రాహులూ-
అయ్యయ్యో రాహులూ
చరణం: నేషనల్ హెరాల్డూ
స్కాము అతని టీ షర్టు..
విప్పి చూస్తే బోఫోర్స్
వీపు మీద పుట్టుమచ్చ..
ఊబిలోన దిగిపోయి
ఊపిరాడకుందేమో!
బయటపడే దారులను
బతుకు వెతుకుతుందేమో!?
పార్లమెంటులోనా
కామెడీ కౌగిలింత!
మోడీ-షా పెరడులోనా
ట్రాజెడీ ఆవలింత!?
అయ్యా రాహులూ!
అయ్యయ్యో రాహులూ!!
చరణం: ప్రపంచ చరిత్రలో
ప్రజలు ఎన్నుకున్న..
తొలి కమ్యూనిస్టుల
ప్రభుత్వాన్ని కూల్చేసినా..
ఉద్యమ చైతన్యమే
నైరుతి పవనాల నిండా!
కేరళం తీరంలో
శిరసెత్తెను ఎర్ర జెండా!
ఆ ఒక్క పేజీ చదువు..
నాయనమ్మ డైరీలో!
ఒళ్ళు జలదరిస్తదీ--నీ
కళ్ళను తెరిపిస్తది!
ఒళ్ళు జలదరిస్తది..నీ
కళ్ళను తెరిపిస్తది..
సుత్తీ కొడవలి నీకు
సుక్కలు సూపిస్తది!
సుక్కలు సూపిస్తదీ..
దిక్కులు సూపిస్తదీ!
సుక్కలు సూపిస్తది..
రానున్న కాలంలో
రక్తం గక్కిస్తదో!
-- నల్లి ధర్మారావు
76609 67313
కామెంట్లు (0)