భారత్-అఫ్గానిస్థాన్ వన్డే సిరీస్.. హార్దిక్ పాండ్య ఔట్

భారత్-అఫ్గానిస్థాన్ మధ్య జూన్ 13 నుంచి ప్రారంభం కానున్న మూడు మ్యాచ్‌ల వన్డే సిరీస్ నుంచి స్టార్ ఆల్‌రౌండర్ హార్దిక్ పాండ్య గాయం కారణంగా తప్పుకున్నాడు. బెంగళూరులోని బీసీసీఐ సెంటర్ ఆఫ్ ఎక్స్‌లెన్స్‌లో ఫిట్‌నెస్ పరీక్ష పాసైన మరుసటి రోజే అతడికి క్వాడ్రిసెప్స్ (తొడ కండరాల) గాయం కావడంతో మరో మూడు వారాల పాటు ఆటకు దూరం కానున్నాడు. ఇప్పటికే వెన్ను నొప్పితో ఐపీఎల్ 2026లో కొన్ని మ్యాచ్‌లకు దూరమైన హార్దిక్, ఏడాది తర్వాత వన్డేల్లోకి పునరాగమనం చేయబోతూ మళ్లీ గాయపడటం 2027 వన్డే ప్రపంచకప్ ప్రణాళికల్లో ఉన్న టీమ్ మేనేజ్‌మెంట్‌కు పెద్ద సమస్యగా మారింది. ఈ సిరీస్‌కు ఇప్పటికే విరాట్ కోహ్లీ గాయం వల్ల దూరం కాగా, హామ్‌స్ట్రింగ్ గాయం నుంచి కోలుకున్న రోహిత్ శర్మ అందుబాటులో ఉండనున్నాడు. అయితే హార్దిక్ స్థానంలో ఎవరిని ఎంపిక చేస్తారనేది ఇంకా ఖరారు కాలేదు.