వేణు ఉడుగుల కొత్త సినిమా ప్రకటన

టాలీవుడ్ దర్శకుడు, నిర్మాత వేణు ఊడుగుల తన కొత్త చిత్రం ‘అన్నదమ్ముల పంచాయితీ’ వివరాలను ట్విట్టర్ ద్వారా వెల్లడించారు. భారతీయ కుటుంబాల్లో అన్నదమ్ముల మధ్య తలెత్తే విభేదాలు ఒక కుటుంబాన్నే కాకుండా ఊరి జీవితాన్నీ ప్రభావితం చేస్తాయనే అంశంతో ఈ కథ రూపొందిందని తెలిపారు. జమ్మికుంట నేపథ్యంలో జరిగిన యదార్థ సంఘటన స్ఫూర్తితో ఈ సినిమా తెరకెక్కుతున్నట్లు పేర్కొన్నారు. వేణు ఊడుగుల కథ అందించిన ఈ చిత్రానికి మధుకర్ రెడ్డి కోమిరెడ్డి దర్శకత్వం వహిస్తున్నారు. డోలా ముఖి ఫిలిమ్స్, ఆరాధ్య సినీ క్రియేషన్స్ బ్యానర్లపై వేణు ఊడుగుల, సంధ్య భాను చల్లా సంయుక్తంగా నిర్మిస్తున్నారు. తెలంగాణ యాస తెలిసిన వారికి నటించే అవకాశం కల్పిస్తూ, ఆసక్తి గలవారు dsf.productiono2@gmail.com కు లేదా 8096411437 నంబర్‌కు వీడియోలు పంపాలని చిత్రబృందం కోరింది.