Print Editionస్పిరిట్ లో నదియా

ప్రభాస్ నటిస్తున్న ‘స్పిరిట్’ సినిమాను డైరెక్టర్ సందీప్ రెడ్డి వంగా తెరకెక్కిస్తున్నారు. టీ-సిరీస్, భద్రకాళి పిక్చర్స్ బ్యానర్‌పై భూషణ్ కుమార్, ప్రణయ్ రెడ్డి వంగా సంయుక్తంగా నిర్మిస్తున్నారు. ఇందులో త్రిప్తి డిమ్రి హీరోయిన్‌గా నటిస్తుండగా, ‘క్రిష్’ ఫేమ్ వివేక్ ఒబెరాయ్ పవర్‌ఫుల్ విలన్ పాత్రలో కనిపించనున్నారు. ప్రస్తుతం ఈ సినిమా షూటింగ్ కొనసాగుతోంది. ‘స్పిరిట్’లో నటి నదియా ఓ కీలక పాత్రలో కనిపించబోతున్నట్లుగా చర్చ జరుగుతోంది. ప్రస్తుతం హైదరాబాద్ పరిసర ప్రాంతాల్లో ఈ సినిమా షూటింగ్ జరుగుతుండగా, ఆమె షూటింగ్ సెట్‌లోకి అడుగుపెట్టినట్లు తెలుస్తోంది. ప్రభాస్, నదియా కాంబోలో ఇప్పటికే ‘మిర్చి’ సినిమా వచ్చిన సంగతి తెలిసిందే. ఇందులో ప్రభాస్ తల్లి పాత్రలో నదియా నటించగా, తల్లీకొడుకులుగా ప్రభాస్, నదియా కాంబోకు మంచి క్రేజ్ ఏర్పడింది.