Print Editionయూట్యూబ్‌లోకి ‘అరేయ్ ఆపండ్రా’

క్రియేటివ్ థింగ్స్ గ్యాంగ్ బ్యానర్‌పై అశోక్ నిమ్మల నిర్మాణంలో, తల్లాడ సాయికృష్ణ దర్శకత్వంలో తెరకెక్కిన సినిమా ‘అరేయ్ ఆపండ్రా’. సుదర్శన్, భద్రం, సాయికృష్ణ తల్లాడ ప్రధాన పాత్రలు పోషించిన ఈ సినిమా మే 15న థియేటర్లలో విడుదలైన సంగతి తెలిసిందే. థియేటర్లలో పర్వాలేదనిపించిన ఈ సినిమా ఇప్పుడు టాలీవుడ్ టైమ్స్ అనే యూట్యూబ్ ఛానెల్‌లో స్ట్రీమింగ్ అవుతోంది. ఇదే అంశంపై దర్శకుడు తల్లాడ సాయికృష్ణ స్పందిస్తూ, “త్వరలో ఒక ఓటీటీలో మా సినిమా స్ట్రీమింగ్ అవుతుంది. అందుకోసం ఇంకా సమయం పడుతుంది. ఈ గ్యాప్‌లో ప్రేక్షకులకు వినోదం అందించాలని టాలీవుడ్ టైమ్స్ యూట్యూబ్ ఛానెల్ ద్వారా ప్రేక్షకులకు ఉచితంగా అందిస్తున్నాం” అని తెలిపారు. ఈ సినిమాకు ఎస్.ఎస్. వెంకటేష్ సంగీతం అందించారు.